„De Plattdütsken Van Holger Hoff“ wörn inn Ossenbrügge

De Liäwenspad

„De Plattdütsken Van Holger Hoff“ wörn inn Ossenbrügge

Sophie Krömker is de Buörwerste van olle Plattdütsken inn`t Ossenbrügger Lande. Unn sei harre se olle innlaadt nau Stadt tou kourmen ton 287. Fröihschoppen van denn „Plattdeutschen Förderkreis in der Region Osnabrück“. Unn de Holger sholl`n dat Progamm gestalten. Dat häbbed se auk daun – met Geschichten düer den „Liäwenspad“ inn dat „Stadt Galerie Cafè“ anne Grauden Gildewart, midden in Ossenbrügge.

Sophie Krömker, Vorsitzende des „Plattdeutschen Förderkreises in der Region Osnabrück“ met de Kinners uut Bol`ge: Manuel Bockholt (Schoulmesster), Jonas Sandmann (Ansägger), Markus Bockholt (Pappe), (bourben van links), Konrad Sandmann (Konrad), Hannah Sandmannn(Oma) und Rieke StallkampMet jung unn auld wass´m no Stadt trokken. Vowegg Leni Dierker, wecke düer dat Programm füührde. Hagedorns Hubert met sien Treckebüdel, denn het wöerd auck düchtig sungen – met olle tohaupe. Und dann olle Sandmann´s van Bolge, dreii Generationen wecke Platt küert und nau vierle ännere määh. Besünners dei Bol´ger kinner wörn vor dei Beseukers een graudet Plaisir. Sei spierlden dat Stücke vann dei Mamme, wecke aubends de Holsken vann iähre teggen Kinner tellt ümme tau seihn, off se olle inn´t Berre ligged. Unn dann, oh Schreck, blauts niegen Paar Holsken. Pappe mösse telln, dann Opa, Oma, dann de Schoulmesster. Niegen Paar Holsken! Upregung bie olle. Kümmp de lütke Konrad (Sandmann) un sägg: „Mamme, Mamme, de Ole (Sandmann) is met Holsken no Berre gauhn!“
Graudet Schmustern unn Lachen inn´t Publikum. Owwer auk de Kinner harren richtig iährn Spoaß, Sau, dat se sick oll uped nächste Maul fröwwed, ümme eein nigged Stücke intostudeerden unn auck to spieärlen. Shall also kieneene seggen, dat Platt ne Sprauke blauts vor aule Lüe is unn baule utstuorben is. De Bolger Kinner wieeset us dat Giegendeil.
FJL.